After Effects desde cero
OBRADOIRO DE INICIACIÓN A AFTER EFFECTS
Aprende desde cero After Effects, o programa máis utilizado no mundo da animación e do motion graphics. Neste curso Frank Outeiral ensinará unha base sólida para comezar a dar movemento ás túas ideas e ilustracións.
HORARIO. Mércores de 18:00 a 19:30 h.
DURACIÓN. 8 clases de 1,5 horas, un total de 12 horas.
DATAS. Os mércores 4, 11, 18 e 25 de febreiro e o 4, 11, 18 e 25 de marzo.
NIVEL.Curso de iniciación: non se requiren coñecementos previos, pero é necesario ter After Effects instalado no ordenador.
IMPARTE. Frank Outeiral
-
Este obradoiro de iniciación a After Effects está dirixido a persoas que queren comezar no mundo da animación e do motion graphics. Ao longo do curso aprenderanse as bases do programa: a interface, o traballo con capas, a animación con fotogramas clave, o uso de texto, gráficos e máscaras, así como a aplicación de efectos sinxelos.
O curso ten un enfoque práctico e progresivo, pensado para quen non ten coñecementos previos do programa. O alumnado aprenderá a preparar e exportar animacións básicas, adquirindo unha base sólida para comezar a dar movemento ás súas ideas gráficas e experimentar por si mesmo co programa.
-
Principiantes sen coñecementos previos de After Effects que queiran iniciarse na animación e no motion graphics.
-
É imprescindible que cada persoa asistente traia un ordenador portátil con After Effects instalado.
-
Frank Outeiral é profesional de Motion Graphics e Fotografía, realizando traballos propios e colaborando con outros ilustradores. Conta con experiencia en gravación e edición de vídeo de eventos, así como en fotografía de produto para redes sociais.
A súa formación abrangue a Licenciatura en Belas Artes (Universidade de Vigo) e cursos especializados en Motion Graphics con After Effects, Adobe Illustrator e animación 2D.
100€ / 90€*
*Desconto a persoas socias de AGPI e Autobán, ou que repitan na Escola.
O curso inclúe un café ou infusión con galletiña en cada sesión.
Podes inscribirte enchendo o seguinte formulario…
Recibirás unha resposta o máis rápido posible